Лидерите на два од четири синдикати во сферата на образованието во Србија постигнаа договор и потпишаа со министерот за образование Срѓан Вербиќ спогодба за решавање на спорните прашања,јави Танјуг.
Тоа значи оти наставата во училиштата во Србија ќе се обнови по речиси три месеци протести.
Претставници на Синдикатот на образованието на Србија и на Гранковиот просветен синдикат „Независност“ добија согласност од нивното раководство да ја потпишат спогодбата.
Претставници на Министерството за образование изјавија дека двата синдиката усвоиле и специјален колективен договор.
Останатите два синдикати, Сојузот на синдикатите на просветните работници во Србија и Синдикатот на работниците во образованието на Србија ќе одлучат дали ќе ја потпишат спогодбата на седницата на нивните раководства, кои ќе се одржат следните неколку дена.