Тим на Црвениот крст на Република Македонија во текот на утрешниот ден ќе го посети Црвениот крст на Република Бугарија со цел одблиску да се утврдат најнеопходните потреби за настраданото население од поплавите.
– По направената проценка на најитните потреби од страна на Црвениот крст на Република Бугарија, нашето национално друштво во договор со бугарскиот Црвен крст ќе ги активира своите механизми за собирање и подготовка на евентуална хуманитарна помош, се вели во соопштението од Црвениот крст на РМ.