Претседателот на Соединетите Американски Држави (САД) Доналд Трамп остро ги нападна сојузниците на НАТО за нивниот недостаток на поддршка за војната меѓу САД и Израел против Иран, нарекувајќи ги кукавици.
Трамп рече дека НАТО без САД е „тигар од хартија“.
„Тие не сакаа да се приклучат на борбата за запирање на Иран со нуклеарно оружје. Сега кога битката е добиена воено, со многу мала опасност за нив, се жалат на високите цени на нафтата што се принудени да ги плаќаат, но не сакаат да помогнат во отворањето на Ормутскиот теснец, едноставен воен маневар што е единствената причина за високите цени на нафтата. Толку лесно им е да го направат тоа, со толку мал ризик“, напиша Трамп на социјалните мрежи.
На крајот, тој напиша „Кукавици, ние памтиме“.
Вчера, за време на состанокот со премиерката на Јапонија во Овалната соба, Трамп го критикуваше НАТО. Тој истакна дека Јапонија „навистина презема одговорност“ во врска со ситуацијата во Иран, за разлика од НАТО алијансата.