Најмалку седум експлозии беа регистрирани рано утрово во главниот град на Венецуела, Каракас, а граѓаните пријавуваат експлозии во неколку воени објекти и аеродроми.
Владата на Венецуела објави дека се работи за американски напади и дека нема да успеат.
🚨 Massive U.S. airstrikes against military targets in Caracas, Venezuela. #caracas #venezuela pic.twitter.com/rn5LKmTBYY
— Arslan Baloch⚔️🖤 (@Arslan_baloxh) January 3, 2026
Ова се случува во време кога американската војска во последните денови ги таргетира наводните бродови за шверц на дрога.
Неколку делови од градот останаа без електрична енергија, а новинарите на CNN во главниот град на Венецуела можеа да го слушнат звукот на авионите по експлозиите.
URGENTE: La base aérea del General Francisco de Miranda, hogar de la Aviación del Ejército Venezolano, fue atacada en Caracas durante esta madrugada. ⚠️
Maduro caerá… pic.twitter.com/zyWX3Zc1fZ— Tomas Sanchez🇦🇷🇮🇱 (@bostero109rp) January 3, 2026
Венецуела во петокот објави дека е отворена за преговори за договор со САД за борба против трговијата со дрога. Претседателот на јужноамериканската земја, Николас Мадуро, исто така, рече дека САД сакаат да ја принудат Венецуела да ја промени својата влада и да добие пристап до нивните огромни нафтени резерви преку повеќемесечна кампања за притисок што започна со масовно воено распоредување во Карипското Море во август.
Мадуро ги отфрли тврдењата на САД што ја оправдуваат кампањата на Трамп дека тој бил шеф на „наркотерористичка“ криминална организација што ги преплавила САД со дрога. Тој рече дека верува оти вистинската цел на Вашингтон е да ја преземе контролата врз ресурсите на Венецуела, вклучувајќи ја нафтата, златото и ретките метали.