Генералниот секретар на НАТО, Марк Руте, денес изјави дека некои членки на Алијансата, вклучувајќи ги Унгарија, Словачка и САД, во моментов не даваат согласност за членството на Украина во НАТО.
Руте, на заедничка прес-конференција со полскиот вицепремиер и министер за одбрана Владислав Кошчерж-Камиш, рече дека приемот на Украина бара едногласна одлука од сите сојузници, објави „Еуроњуз“.
„Во моментов, неколку сојузници велат дека нема да дадат согласност и затоа ја негираат едногласноста за влез на Украина во НАТО, земји како Унгарија, САД, Словачка, а можеби и некои други“, рече Руте.
Зборувајќи за безбедносните гаранции за Украина, Руте рече дека тие во моментов се дизајнираат преку три нивоа:
Според него, американскиот претседател Доналд Трамп изјави во август дека сака САД да бидат дел од овие безбедносни гаранции, додека во моментов се водат дискусии за тоа како би изгледало ова конкретно и како би се обликувал целиот пакет колективни гаранции.
„Ова е исклучително важно бидејќи, по евентуален мировен договор, ако НАТО не е опција од практични причини сега, се поставува прашањето како да се спречи нов руски напад. Рускиот претседател Владимир Путин мора да знае дека, во случај на нов напад врз Украина по мировниот договор, реакцијата би била катастрофална. Токму така се дизајнирани овие безбедносни гаранции“, рече Руте.