Американскиот претседател Доналд Трамп денеска ја повика Украина да постигне договор за завршување на војната со Русија.
„Украина мора да сака да ја заврши оваа војна“, им изјави Трамп на новинарите во Овалната соба.
„Зеленски мора да сака да ја заврши оваа војна, а доколку тоа не е случај, сè ќе заврши многу лошо“, предупреди американскиот претседател за време на разговорот со медиумите во Белата куќа.
Преговори во Осло и руската предност на бојното поле
Специјалниот пратеник на Трамп, Стив Виткоф, во вторникот престојуваше во Осло, Норвешка, на разговори со украинскиот претседател Володимир Зеленски во обид да се стави крај на четиригодишната војна.
Трамп навести дека Русија има предност во борбите затоа што „Русија е голема машинерија – тие едноставно продолжуваат да напредуваат и тоа е она што го прават. Зазедоа многу голем дел од територијата“.