Портпаролот на рускиот претседател, Дмитриј Песков, денеска изјави дека на Русија ѝ е потребен мир во Украина, а не примирје, додавајќи дека е неопходно „некој во Киев да донесе одговорна одлука“.
– Ништо не е променето во однос на ставот на Москва за решавање на украинскиот конфликт. Нам ни треба мир, а не примирје, рече Песков, пренесува новинската агенција РИА Новости.
Според него, украинското прашање не може да се реши без присуство на претставници од Киев.
Претходно, американскиот претседател Доналд Трамп изјави дека конфликтот во Украина ќе биде решен, но дека украинскиот претседател Володимир Зеленски нема да биде вклучен во тој процес.
