Израел денес ги врати телата на 15 Палестинци во Газа, со што вкупниот број на предадени се искачи на 135, соопшти денес Министерството за здравство на Појасот Газа, кој е под контрола на Хамас.
Според договорот за прекин на огнот постигнат со посредство на американскиот претседател Доналд Трамп, Израел требаше да врати тела на 15 Палестинци за секој вратен починат израелски заложник, објави „Тајмс оф Израел“.
Порано денес, канцеларијата на израелскиот премиер Бенјамин Нетанјаху соопшти дека Хамас мора да го почитува договорот и да ги врати останките на преостанатите 18 убиени заложници кои сè уште се во Појасот Газа.