Кина испрати транспортни авиони кои исчезнаа од радарот додека се приближуваат кон Иран, тврди британскиот весник „Телеграф“.
„Податоците покажаа дека на секој лет, авионот се движел кон запад по северна Кина, преминувајќи ја територијата на Казахстан, потоа кон југ кон Узбекистан и Туркменистан, пред да исчезне од радарот додека се приближувал кон Иран“, се вели во извештајот.
Според британскиот весник, плановите за летови секој пат го наведувале Луксембург како крајна дестинација, но авионите очигледно никогаш не стигнаa до Европа.
Постои загриженост за товарот испратен од Кина во Иран, додека Техеран е во војна со Израел, објавува „Телеграф“.
Експертите за воздухопловство кои разговарале со британскиот весник тврдат дека типот на авиони на овие летови, товарен авион „Боинг 747“, обично се користи за транспорт на воена опрема и оружје.
Кинескиот претседател Си Џинпинг претходно изјави дека воената акција на Израел против Иран предизвикала нагло зголемување на тензиите на Блискиот Исток и дека Кина е „длабоко загрижена за тоа“.
Тој додаде дека воениот конфликт не е решение за проблемот и дека ескалацијата на регионалната ситуација не им служи на заедничките интереси на меѓународната заедница.