Таџ Арабија, хотел со 350 соби и апартмани во Дубаи, кој ќе биде реплика на познатиот Таџ Махал во Индија, ќе биде изграден до почетокот на 2016 година.
Инвеститорите веќе ги добија сите потребни дозволи за градење, па наскоро ќе биде распишан и тендер за избор на изведувачи, пишуваат арапските медиуми.
Хотелот ќе биде изграден од стаклена конструкција, а во него меѓу останатото, како претходно што било најавено, ќе се одржуваат гала венчавки.
Планот е Таџ Арабија да биде многу поголем од својот оригинал, па ќе има 20 катови. Во него ќе има и деловни простории, кои ќе може да се купат од декември оваа година.