Љупчо Палевски – Палчо, првоосомничен за убиството на 14 годишната Вања Ѓорчевска и 74 годишниот бербер од Велес, Панче Жежовски е уапсен на аеродром во Турција по меѓународната потерница која ја објави македонското МВР, дознава А1он.
А1он уште пред три часа праша во Министерството за внатрешни работи, но од таму негираа дека Палевски е уапсен. Два часа подоцна, министерот Оливер Спасовски закажа прес конференција за во 22:30 часот.
За Палевски веќе е покрената истрага за делата грабнување и убиство, а освен него, обвинителството има уште четворица осомничени. За него полицијата и обвинителството велат дека бил тој што го испукал куршумот, односно ја убил Вања, а претходно пукал и во Жежовски, чиј автомобил бил користен за грабнувањето на девојчето од Скопје.