Од 1 јули кога Хрватска станува членка на Европската унија, нејзини граѓани ќе може со лична карта да влезат во Србија и без пријавување во МВР да престојуваат до 90 денови.
Според хрватски медиуми, Владата на Србија од 2010 година дозволи жители на држави-членки на ЕУ како и на Швајцарија, Исланд и Норвешка влез во Србија само со лична карта.
Српските државјани за влез во Хрватска ќе мора да имаат пасош. Од 1 јули на Хрватите нема да им бидат потребни пасоши ни за повеќето држави од ЕУ.