Претседателот на владата на Србија, Ивица Дачиќ ќе зборува на седницата на Советот за безбедност на ОН, која ќе се одржи на 14-ти јуни во Њујорк, а на која ќе биде претставен извештајот на генералниот секретар на ОН Бан Ки Мун за состојбата на Косово.
Како што е најавено Дачиќ утре ќе се сретне со генералниот секретар на ОН, претставникот на Велика Британија, Лајал Грант, како и со претставникот на Русија при ОН, Виталиј Чуркин.
Седницата ја закажа Велика Британија, која месецот ќе претседава со Советот на безбедност.
Бан во извештајот го поздрави постигнувањето договор помеѓу Белград и Приштина и оцени дека се работи за историско достигнување.
-Го поздравувам првиот договор за нормализација на односите кои што се постигнати во рамките на дијалогот, со посредување на ЕУ. Ова е историски успех-изјави генералниот секретар на ОН.
Елена Георгиевска