Актуелната Мис на Русија, Ина Жиркова, сопруга на фудбалерот Јуриј Жирков, ја предаде круната откако милиони луѓе и се потсмеваа, бидејќи не знаеше да одговори на основни прашања.
Поранешната манакенка (23) и мајка на две деца е прогласена во октомври 2012 година за „Госпоѓа на Русија“ на натпреварот на кој учествуваат само мажени жени.
Во видеото поставено на почетокот на месецот на „ЈуТјуб“ новинарот ја прашува Жиркова дали Земјата се врти околу Сонцето или обратно.
– Најверојатно е Сонцето. Не, Земјата. Не знам, изјави Ина, смеејќи се. На прашањето дали титуалата ја добила благодарение на својата ерудиција, Жиркова одговори потврдно.
– Да, можеби затоа што се обидувам секој ден да изгледам убаво, додаде Ина.
Некои од коментаторите на видеото ја предложија Ина за титулата „Госпоѓа глупачка“. 