Српската делегација на денешните преговори во Брисел очекува да и се понуди нешто повеќе од претходната рунда, за да дојдат до компромис.
На црвената линија според тврдењата на претседателот на Србија, Томислав Николиќ остануваат судовите, полицијата и отсуството на косовската војска од територијаата на заедницата на српските општини.
Покрај премиерот Ивица Дачиќ со делегацијата е и првиот потпретседател на владата Александар Вучиќ.
Според Николиќ по денешната рунда разговори, ништо нема да биде конечно.
-Денешниот дијалог во Брисел не е конечен. Уште треба да се водат разговори со Приштина, бидејќи Србија не прифаќа некој утре да и покаже документ на кој пишува или сте овде или не сте, изјави Николиќ.
Елена Георгиевска