Премиерот на руската федерација, Дмитриј Медведев од српскиот парламент во Белград пред пратениците порача дека Русија ќе пружи секаква помош за зачувување на суверенитетот на Србија. Тој е во еднодневна посета на Белград поради прославата на годишнината од ослободувањето од фашизмот.
-Потребно е да се чува вистината за војната и да се спротивстваиме на ревизијата на историјата. Во некои европски земји се уриваат спомениците на војниците кои ги ослободија од фашизмот, а џелати кои убија милиони луѓе се прославуваат сега како херои. Целта на таквите манипулации е да се промени светот и нормите во меѓународното право. Србија, за жал ги почувствува последиците на дејствијата спротивни со меѓународното право, мислам на случувањата од 1999 година. Русија го поддржува српскиот народ и ќе дадеме секаква помош да се зачува суверенитетот, рече Медведев и додаде дека Русија сака мирно решение за косовското прашање и почитувње на Резолуцијата 1244.