„Денеска сме во Прилеп, на состаноци и средби со месните комитети во Прилеп. Ние како ВМРО-ДПМНЕ интензивно започнуваме со подготовка на нашето членство за претстојните претседателски избори.
Видовме и самите, иако имаше фрлена ракавица кон социјалдемократите да прифатат предвремени парламентарни избори, сепак ги одбија на крајот соочени се и тие со моментот на страв и паника во нивните редови. Знаат и самите дека изминатиот период од нивното владеење само срам донесоа во Република Македонија“, рече Орце Ѓорѓиевски – член на ИК на ВМРО-ДПМНЕ.
„Крајно погубни се сите нивни политики. Гледаме дека изминатиот период немаме ниту една капитална инвестиција во Република Македонија.
Исто така немаме ниту едно отворено ново работно место, ако не се земат во предвид оние работни места кои што служат за да се згрижат потесните и пошироките семејства на функционерите од СДСМ.
Прилеп е град кој што секогаш ја давал поддршка на ВМРО-ДПМНЕ, така и сега.
Утре веќе имаме Конвенција во Струга за избор на кандидат за претседател од нашите редови. Веднаш по Конвенцијата започнуваме со интензивни средби по сите населени места низ Република Македонија, а токму во тој контекст и денес се овие средби со месните комитети, полека да започнеме со припремите и да ги поразиме социјалдемократите на претстојните претседателски избори, а веднаш потоа да бидат поразени на предвремени парламентарни избори“, изјави Орце Ѓорѓиевски – член на ИК на ВМРО-ДПМНЕ.