Една жена-ловец на трофеи предизвика реакции на згрозување ширум светот, откако се сликаше со срце од жирафа кое го извадила од застрелано животно, а потоа и се пофалила на социјалните мрежи.
Јужноафриканката Мерелиза ван дер Мерве напишала дека е „среќна како мало дете“ и дека конечно ѝ се остварил сонот што го имала уште откога почнала да лови, во својата петта година – да убие мажјак од жирафа.
Како што објаснила, срцето било подарок за Денот на вљубените од нејзиниот сопруг, кој платил за можноста Мерелиза да ја застрела жирафата, која наводно била стара 17 години и „ѝ останувале само три месеци од животот“.
Ван дер Мерве вели дека цел живот барала можност да застрела жирафа, но никако не можела да најде мажјак, а во еден период и се откажала од потрагата.
Според психолозите, кај луѓето што се фиксираат на убивање конкретно живо суштество поради трофејот од самиот факт што се убива, постои извесна психопатолошка состојба, која може да биде поврзана со нарцисоидност, но и со комплекс на пониска вредност.