Претседателот на Италија Џорџо Наполитано го повика денеска попладне на средба во палатата „Куиринале“ заменик-претседателот на Демократската партија Енрико Лета, соопшти прес-канцеларијата на претседателскиот кабинет.
Италијанските медиуми јавуваат оти се очекува на средбата Лета да ја добие задачата да состави коалициска влада, со што ќе стави крај на политичката блокада во Италија.
Наполитано се одлучил за 46-годишниот политичар, поранешен државен секретар на Министерскиот совет, по консултациите со политичките партии и парламентарните фракции за надминување на кризната ситуација по изборите на 24 и 25 февруари.