(ВИДЕО) Расправија и тепачка во италијанскиот Парламент

Од:

Опозициски пратеник мораше да биде отстранет од италијанскиот Парламент во средата по расправија и тепачка за време на дебатата за поголема регионална автономија. Леонардо Доно од популистичкото Движење пет ѕвезди бил турнат од други пратеници и соборен на подот во хаотични сцени во Долниот дом на Парламентот, објавија италијанските медиуми.

Дебатата беше за законот за таканаречена диференцирана автономија на регионот предложен од десничарската влада. Законот им дава на регионите поголеми овластувања, на што опозицијата се противи.

Кога пред еден месец се расправаше во Сенатот, дојде до вербални пресметки меѓу претставниците. Но, сега опозициските парламентарци од Претставничкиот дом вееја италијански знамиња и ја пееја националната химна.

Кога Доно се обиде да му го предаде знамето на министерот за регионална администрација, неколку пратеници се упатија кон него и почна турканица.

Остана нејасно дали Доно сам паднал или од ударите, а претседателот на домот ја прекинал седницата и најавил дека ќе одлучи за евентуалните мерки кога ќе го прегледа видеото.

Говорејќи за телевизијата Ла7, Доно рече дека бил во болница и чекал да биде прегледан од лекарите откако „добил многу удари“.

„Не можам да верувам дека такво нешто се случи во Претставничкиот дом“, рече Доно.

Би можело да ве интересира

Во верижна сообраќајка во Италија, едно лице загина, 17 се повредени

Горан Наумовски

Државен правобранител учествувал во тепачка на деца и возрасни во Струга, има обвинение за пет лица

Горан Наумовски

Земјотрес во Кампанија, потресот предизвика паника во Неапол

Маж од Аеродром бил истепан од 24-годишно момче од Скопје

Италијански полицајци бркале Романци низ цела Словенија

Насилници во Драчево нападнале маж и тројца малолетници