Во Шпанија разбиени две ќелии на Исламска држава, уапсени петмина осомничени исламисти

Од:

Во две акции на шпанската полиција уапси се петмина милитантни исламисти, осомничени за финансирање терористички организации и регрутирање борци за џихадисти.

Шпанската полиција, во соработка со Центарот за борба против тероризмот на Европол, спроведе акција против џихадистите, меѓу кои и оние кои оперираат преку Интернет. Уапсени се вкупно петмина осомничени исламисти, членови на таканаречената Исламска држава.

Осомничените се уапсени во последните две недели.

Апсењата се резултат на две одделни акции насочени кон ќелиите на милитантните исламисти кои дејствуваат на шпанска територија.

Европол соопшти дека во првата акција под кодното име КИТАЛ, уапсени се три лица во Барселона, Жирона и Валенсија, а кои се осомничени за финансирање тероризам. Главниот осомничен, наводно, користел сложена компјутерска шема за финансирање терористички групи стационирани во Либија, кои се поврзани со Исламската држава. Инспекторите веруваат дека тој бил во директен контакт со водачите на исламистичките групи.

Во втората акција, со кодно име ФАРКОЛ, во шпанскиот град Мелила уапсени на две лица, осомничени за регрутирање млади борци на Исламската држава. Полицијата истрагата ја почнале пред две години, откако открила видео клип што служел за индоктринирање на потенцијалните борци на Исламската држава. Се претпоставува дека видеото го направиле и растурале двајцата осомничени.

Европол во соопштението додава дека сите осомничени се изведени пред судија.

Извор: МИА

Би можело да ве интересира

Исламската држава го пофали терористичкиот напад во Москва

Горан Наумовски

ИСИС-К планира уште еден терористички напад во следните шест месеци

Шпанската полиција упадна во Шпанскиот фудбалски сојуз, уапси најмалку шест лица

Горан Наумовски

(ВИДЕО) Петгодишно момче, неговиот татко и баба загинаа во пожар во Шпанија

ВИДЕО: Mоментот кога пожарникарите спасуваат двајца луѓе од запалената зграда во Валенсија

Катерина Ѓуровски

ВИДЕО: Четоврица мртви и 19 исчезнати во страотниот пожар во Валенсија

Катерина Ѓуровски