Над 27,5 тони кокаин, хероин и канабис се конфискувани во периодот од 1. до 12. декември во Централна Америка и во Карипскиот регион во операција координирана од Интерпол.
Запленетиот кокаин е со пазарна вредност од 1,3 милијарди долари.
Во операцијата биле мобилизирани 39 држави, а упасени се 442 лица, конфискувани се 2,2 милиони долари, 100 парчиња оружје и 7,6 тони хемиски супстанци.
Околу 50 илегални лаборатории за дрога се откриени, а колумбиската воена морнарица конфискувала потопено превозно средство за транспорт на дрога. Во Еквадор конфискувани се два мали авиони, а во Перу се уништени над 20 писти за слетување на авионите на наркодилерите.