Момче од 11 години вчера почина од вирусот Х1Н1 односно од свински грип, соопшти денеска Универзитетската болница во Осло.
Момчето прво се лекувало во болницата во Порсгрум, но откако се влошила неговата состојба, пред една недела било префрлено во Осло.
Во Универзитетската болница во Осло примени се уште два пациенти со симптоми на свински грип, но не се соопштуваат други детали.
Локалните медиуми во Порсгрум објавија дека неколкумина соученици на починатото дете биле заболени од свински грип, но со полесни симптоми.