Италијанските спасувачи ги пронајдоа безживотните тела на 18 имигранти кај италијанскиот остров Лампедуза, а 19-то лице починало за време на транспортот до островот.
Двајца други мажи, пронајдени во критична состојба, се превезени во болница во Палермо, на Сицилија.
Спасувачите претпоставуваат дека жртвите се задушиле од чад од моторот на бродот.
Еден товарен брод, кој се нашол кај Лампедуза, италијански остров сместен меѓу Тунис и Сицилија, алармирал дека дошло до несреќата.