Во автобуска несреќа загинаа 17 мигранти во источна Турција

Од:

Седумнаесет лица загинаа, а 50 се повредени откако автобус во кој се превезувале мигранти се преврте во турската источна провинција Ван, соопшти гувернерот на провинцијата Мехмет Емин Билмез, цитиран од државната агенција Анадолија.

Агенцијата ДПА пренесува дека минибусот со мигрантите се спуштал по рид и влетал во река во близина на населбата Ерчек, во областа Ипекиолу, на околу 60 километри од границата со Иран.

Гувернерот Билмез изјави дека турскиот возач, исто така, починал, додека националностите на останатите патници не е позната.

Тој додаде дека повредените биле пренеси во неколку болници во градот Ван.

-Седуммина од повредените се наоѓаат на интензивна нега. Со божја волја, бројот на жртвите не очекуваме да расте, додаде Билмаз.

Градот Ван се наоѓа на рутата на мигрантите од Авганистан, Пакистан и Бангладеш, на нивниот пат кон Европа, наведе ДПА.

Би можело да ве интересира

Турскиот Парламент ја осуди резолуцијата на американскиот Сенат за геноцидот врз Ерменците

Американскиот амбасадор во Турција повикан на разговор поради резолуцијата на Сенатот за геноцидот врз Ерменците

Давутоглу ја регистрираше Партијата на иднината

Анкара со остра реакција на американските антитурски санкции

Ана Ололовска

Телефонски разговор на Путин и Ердоган за билатералните односи и Сирија

Чавушоглу: Турција ќе реагира во случај на американски санкции

Ана Ололовска