Киднаперите во алжирското наоѓалиште на гас убиле 30 заложници, меѓу кои седум странци, соопштија претставници на алжирските сили за безбедност, пренесе БТА.
Меѓу убиените заложници се осум Алжирци, двајца Јапонци, двајца Британци и еден Французин.
Најмалку 11 киднапери се убиени во операцијата на алжирската армија за ослободување на заложниците. Меѓу нив се тројца Египќани, двајца Алжирци, двајца Тунижани, двајца Либијци и еден Французин.
Заложничката криза во Алжир почна завчера, кога борци поврзани со Ал Каеда го зазедоа комплексот за гас „Ин Аменас“ и земаа за заложници локални и странски работници.