Бројот на инфицирани лица од Ковид-19 во Африка се искачи на 14.528, од кои 788 луѓе починаа, а 2.570 се излекувани, соопшти денеска Африканска Унија.
Од епидемијата со новиот коронавирус погодени се 52 од вкупно 54 африкански држави. Само во Лесото и Комори нема регистирано ниту еден случај со Ковид-19.
Најголем број на пациенти се регистрирани во северниот дел на Африка – 6.379 заразени, од кои 603 починале.
во Египет има 2.065 заразени и 159 смртни случаи, во Алжир – 1.914 инфицирани од кои 293 починале, додека во Мароко се заразени 1.661 лице, од кои 118 смртни случаи.
Во Јужноафриканса Република има најголем број на заразени и починати во јужниот дел од континентот односно 2.137 инфицирани и 25 починати.
Во западниот дел на Африка има 3.361 заразени и 84 смртни случаи, во источна Африка – 1.217 инфицирани и 28 смртни случаи, додека во централна Африка има 1.246 заразени и 38 починати.