Американскиот претседател Доналд Трамп изјави дека војната со Иран е „речиси завршена“, но во говор во Небраска сугерираше дека уништувањето на американски град како Лос Анџелес или Сан Диего би било „мала цена“ за светската безбедност.
Трамп во понеделникот им се обрати на своите поддржувачи на предизборен митинг во Гранд Ајленд, Небраска, каде што се појави заедно со гувернерот Пит Рикетс.
Trump on Iran:
Remember, with the war, it’s just artificial. It’s a little bit high. It’s a small price to pay for keeping the world safe.
They can take out a city. Let them take out Los Angeles or San Diego. This is a very small price to pay. It’s essentially almost over with.
— Clash Report (@clashreport) October 5, 2026
„Инаку, ние го разбиваме Иран, тоа го знаете, нели?“, рече Трамп, по што зборуваше за можноста од напади врз американски градови.
„Тоа е мала цена за безбедноста на светот. Можат да уништат еден град. Нека го уништат Лос Анџелес или Сан Диего. Тоа е многу мала цена“, изјави Трамп.
Тој додаде дека конфликтот е пред завршување.
„Всушност, речиси е готово. Секогаш велат дека имаат висок праг на болка, но верувајте ми, ќе им треба. Ќе заврши многу брзо, на овој или оној начин“, рече американскиот претседател.
Trump:
The war will end very quickly, and prices are going to come down very sharply. You might say, "Please, please, sir, it’s going down too fast!" https://t.co/BGc8eXFE7D
— Clash Report (@clashreport) October 5, 2026
Трамп на собирот најави и дека цените на горивата наскоро значително ќе паднат.
„Ќе заврши многу брзо и цените драстично ќе паднат. Можеби ќе кажете: ‘Ве молам, господине, паѓаат премногу брзо’. Ќе видите“, рече тој.
Митингот е дел од неговата предизборна турнеја пред изборите закажани за 3 ноември.