Земјотрес со јачина од 5,1 степени по Рихтер ја погоди во неделата попладне по локално време Јужна Калифорнија, каде што пристигна и тропската бура Хилари.
Епицентарот на земјотресот е во областа северно од Лос Анџелес, а потресите ги почувствувале жителите во голем дел од јужната област на оваа американска сојузна држава, додека се подготвувале за силен дожд и можни поплави кои ги донелa тропска бура.
Земјотресот се случил во 14 часот и 41 минути по локално време, а веднаш по тресењето на тлото нема информации за материјална штета или повредени. Американскиот систем за предупредување извести дека по овој земјотрес нема опасност од цунами.
The moment the #earthquake interrupted @ABC7 Los Angeles' coverage of #Hilary. pic.twitter.com/IBVDCx7XHN
— Nick Stewart (@NStewWX) August 20, 2023
Тропската бура Хилари предизвика поплави источно и западно од Лос Анџелес, откако со смртоносна сила го зафати полуостровот Баха Калифорнија во Мексико.
Едно лице во Мексико загина во поплавите на полуостровот, каде што некои патишта беа однесени. На фотографиите на социјалните мрежи се гледаат порои кои бликаат низ градските улици кои се претворени во реки.
Гувернерот на Калифорнија, Гевин Њусом, прогласи вонредна состојба во поголемиот дел од Јужна Калифорнија, со предупредувања за поројни поплави во сила најмалку до 3 часот наутро по локално време во понеделник.
Тоа е област која била изложена на долги сушни периоди. Во планинските и пустинските предели за краток временски период би можеле да наврнат од 12 до 25 см дожд, колку што вообичаено паѓа во овие области на годишно ниво.
Hurricane Hilary brought heavy rain and flooding to Mexico and the southwestern U.S.
This is the situation in Baja California
— Massimo (@Rainmaker1973) August 20, 2023
Hurricane Hilary makes landfall in Mexico as a Category 1 storm, bringing heavy rain and strong winds. The storm is expected to cause flooding and mudslides, and residents are urged to evacuate if necessary.#HurricaneHilary #storm #sundayvibes
pic.twitter.com/YAGkftaE4Z— Chris & Ola (@ChrisandOla) August 20, 2023
Првата тропска бура што го погоди округот Лос Анџелес од 1939 година предизвика сериозни поплави во планините Сан Габриел источно од градот и крајбрежните области во северозападниот дел на округот Вентура.
Во округот Сан Бернардино беа наредени наредби за евакуација на бројни места во планините и долините, каде што на фотографиите од социјалните мрежи можеа да се видат порои од вода, кал, камења и дрвја.
На запад, во понаселениот округ Вентура, Националната метеоролошка служба издаде предупредување за поројни поплави опас Метеоролошката служба објави дека автомобилите се заглавени.