Унгарскиот премиер Виктор Орбан денеска му порача на украинскиот претседател Володимир Зеленски дека Унгарија нема да биде заплашена.
– Унгарија нема да биде заплашена. Претседателите доаѓаат и си одат, личните навреди можат да се случат, но достоинството на Унгарија е нешто што не може да се преговара. Претседателот на Украина Зеленски треба да го запомни тоа – рече Орбан во објава на социјалната мрежа X.
❌ Hungary will not be intimidated. Presidents come and go, personal insults can occur, but Hungary’s dignity is a non-negotiable. President @ZelenskyyUA would do well to remember that. pic.twitter.com/F3Ic48IEdm
— Orbán Viktor (@PM_ViktorOrban) January 25, 2026
Во четврток, унгарскиот премиер претходно го критикуваше Зеленски за неговиот говор на Светскиот економски форум во Давос, во кој, според извештаите од Будимпешта, тој „повторно ја нападна унгарската влада и него лично“.
– Зеленски вели дека поддршката испратена до Украина е недоволна, оружјето е недоволна и дека решителноста на Европа е недоволна. Не мораше долго да чекаме одговор од Брисел. Претседателката на Европската комисија, Урсула фон дер Лајен, презентираше патоказ за развој на Украина. Во него, Брисел прифати секое украинско барање – 800 милијарди долари за Украина, забрзан пристап кон ЕУ до 2027 година и понатамошна поддршка до 2040 година – рече Орбан.
– И ќе кажеме неколку зборови за тоа. Доаѓа национална петиција, со која можеме да испратиме јасна порака до Брисел: нема да плаќаме – заклучи Орбан.
Во своето обраќање на Светскиот економски форум во Давос, Зеленски, меѓу другото, ги илустрираше своите ставови споредувајќи го со филмот „Денот на мрмотот“, велејќи дека Европа, како херојот од филмот, „ги повторува истите зборови“ без да ги менува своите постапки, и покрај изминатата година и повторените апели дека „Европа знае како да се брани“.