(ВИДЕО) Првиот кинески патнички авион C919 го направи првиот комерцијален лет

Од:

Првиот кинески патнички авион од домашно производство полета на својот прв комерцијален лет во неделата наутро.

Државната телевизија го прикажа C919 како се издигнува кон небото над Шангај, движејќи се кон главниот град Пекинг, објави Би-Би-Си.

Изграден е од страна на Комерцијалната авијација на Кина (Comac) со надеж дека ќе стави крај на доминацијата на авионите Ербас и Боинг.

Кинескиот авион со 164 седишта сè уште многу се потпира на западните компоненти, вклучувајќи ги моторите и разни други компоненти.

Првиот комерцијален лет беше од Шангај до Пекинг, со повеќе од 130 патници и заврши за нешто помалку од три часа.

Државната компанија China Eastern Airline нарача пет авиони.

Comac, кој планира да произведува 150 авиони годишно во рок од пет години, вели дека веќе има обезбедено повеќе од 1.200 нарачки за C919.

Некои експерти, сепак, велат дека повеќето од тие нарачки се сметаат за писма со намери од домашни купувачи.

Претседателот Си Џинпинг, кој седна во пилотската кабина на макетата C919 пред неколку години, го опиша проектот како едно од најиновативните достигнувања на Кина.

Би можело да ве интересира

Авион се урна во Њујорк

Најмалку 16 загинати во пожар во трговски центар во Кина

(ВИДЕО) Шестмина загинати во пожар во трговски центар во Кина

Горан Наумовски

(ВИДЕО) Се урна авион во Полска, засега не се знае дали има преживеани

(ВИДЕО) Руски авион Суперџет се урна во Подмосковље, загинаа сите членови на екипажот

Кина воведе санкции за шест американски компании за продажба на оружје на Тајван