Чест ми е што сум избрана за лидер на партијата, изјави Лиз Трас, новата британска премиерка. Во првиот говор Трас се заблагодари на противникот Риши Сунак, но и на Борис Џонсон, чие место го заменува.
„Оваа кампања ја водев како конзервативец и ќе владеам како конзервативец. Пријатели, треба да покажеме што ќе испорачаме во следните две години. Ќе испорачам храбар план за намалување на даноците и развој на нашата економија. Ќе се занимавам со енергетската криза, сметките за енергија, но и со долгорочните прашања што ги имаме во однос на снабдувањето со енергија“, рече Трас.
I am honoured to be elected Leader of the Conservative Party.
Thank you for putting your trust in me to lead and deliver for our great country.
I will take bold action to get all of us through these tough times, grow our economy, and unleash the United Kingdom’s potential. pic.twitter.com/xCGGTJzjqb
— Liz Truss (@trussliz) September 5, 2022
Таа додаде дека ќе се погрижи „да и донесе голема победа на Конзервативната партија на изборите во 2024 година“.
WATCH: Liz Truss announced as Tory Party leader and UK’s next Prime Minister pic.twitter.com/tt6dXRYYNy
— Evening Standard (@standardnews) September 5, 2022
„На мојот пријател Борис Џонсон“
Во своето прво обраќање, новата британска премиерка му се заблагодари на премиерот во заминување Борис Џонсон.
„Борис, го заврши Брегзит. Му се спротивстави на Владимир Путин. Му се восхитуваа од Киев до Карлајл“, рече Трас, која накратко беше прекината со аплауз.
Утре назначувањето на Трас во замокот Балморал во Шкотска
Потсетуваме, таа е избрана за нов премиер на Велика Британија, соопштија денеска од Конзервативната партија.
Промената на чело на конзервативците доаѓа откако Џонсон поднесе оставка на 7 јули, а претходно повеќе од 50 министри и други членови на неговата влада поднесоа оставки.
Џонсон со месеци беше на удар на критиките од опозицијата, но и од претставниците на сопствената партија поради начинот на кој земјата се бореше против пандемијата на корона вирусот, зголемувањето на трошоците за живот, а особено поради снимки кои протекоа во јавноста, а кои беа снимени на приватни забави во Даунинг стрит додека беше на сила карантинот.