Полицијата во градот Кали во Колумбија ја приведе најмладата „мула“ која се обидела да прокриумчари половина килограм дрога во Европа.
Станува збор за единаесетгодишно девојче, на кое со операција од стомакот и се извадени повеќе од 100 капсули дрога, пренесе „Франс прес“.
-Извршена е операција со која се извадени 104 капсули и тие во овој момент се анализираат, за да се утврди видот на дрогата – изјави командирот на полицијата Ховер Паниља, кој додаде дека сите знаци укажуваат дека возрасни лица имаат врска со овој ужасен чин.
Според наводите мајката изјавила дека ќерка и викендот била кај нејзиниот татко, бидејќи парот не живеел заедно и дека во тек на ноќта и се слошило.
Инаку според податоците на ОН, Колумбија покрај Перу е еден од водечките извозници на кокаин во свет.
Е. Г.