Јужноафриканскиот атлетичар Оскар Писториус останува во притвор, а против него процесот ќе биде продолжен следниот вторник, одлучи Кривичниот суд во Преторија.
Писториус се појави денеска во судот за да се соочи со обвинението – убиство на својата девојка, манекенката Рива Стенкамп. Тој во судницата влезе потполно растроен, а додека му било читано обвинението прснал во плач.
Иако се уште нема официјални детали за истрагата, медиумите пишуваат дека Рива е убиена низ вратата на тоалетот и тоа со четири куршуми.
Полицијата соопшти дека и претходно имало инциденти во куќата на Писториус.
„Се однесуваме кон него како кон било кој друг. Тие ќе бара кауција, ние ќе се спротивставивме, а како аргумент ќе наведеме дека сем разговарале со соседите кои слушнале нешто и претходно за време на вечерта“, рече портпаролката на полицијата.