Белорускиот претседател Александар Лукашенко денеска изјави дека протестите во Минск и другите градови се оркестрирани од Полска, од Велика Британија и од Чешка.
– Повици се упатени од Полска, од Чешка и од Велика Британија за да се контролираат, извинете, овците, кои не разбираат што прават и лесно е да се контролираат, истакна Лукашенко на состанокот со шефот на Извршниот секретаријат Сергеј Лебедев.
Во меѓувреме, противкандидатката на Лукашенко, Светлана Тихановскаја изјави дека одбива да ги признае официјалните резултати од вчерашните претседателски избори, според кои актуелниот претседател освои 80,23 отсто од гласовите. Тихановскаја освои 9,9 проценти од гласовите, додека другите тројца кандидати освоија помалку од два отсто.
Соработниците на Тихановскаја соопштија дека опозицијата бара повторно пребројување на гласовите. Опозицијата исто така најави дека сака да разговара со државните претставници за мирна промена на власта.
На социјалните мрежи се појави и видео снимка од избирачко место на кое се гледа како член на изборниот штаб се симнува по скалу од втор кат со вреќа, за која се претпорставува дека содржи гласачки ливчиња.
Nexta: Участок №17 Советского района Минска (СШ №66). Члены комиссии зачем-то по лестнице вылазят из окна второго этажа с пакетами, в которых находится нечто похожее на коробки. Или на пачки бумаги. И всё это под чутким присмотром милиции pic.twitter.com/iX7sQUoixn
— Toтzе (@zagibaigvozdi) August 9, 2020
Опозицијата се жали и на други нерегуларности на вчерашните претседателски избори, како затворени гласачки места, граѓани кои гласале пред отворањето на гласачките места и друго.
Според независните истражувања Тихановскаја добила 71 отсто од гласовите, додека Лукашенко само десет.