Шефот за хуманитарни прашања на Обединетите нации, Том Флечер, изјави дека цивилите во Јемен плаќаат сурова цена за конфликтот во земјата, каде што ескалацијата на борбите принуди речиси 300.000 луѓе да ги напуштат своите домови, додека клучните градови останаа без основни залихи.
🇾🇪 Yemen’in Taiz şehrinde ihtiyaç sahibi ailelere barınma paketi dağıtımı gerçekleştirdik.
Yıllardır süren iç savaş nedeniyle Yemen’de büyüyen insani kriz, milyonlarca insanı en temel haklarından mahrum bırakıyor.
Yemen, desteklerinizi bekliyor!
Siz de destek olmak için;
📨 ACİL yazıp 4072’ye SMS göndererek 240 TL bağışta bulunabilirsiniz.🌐 Bağış: https://t.co/IrT8Yv7b2r
İnsan Hak ve Hürriyetleri ve İnsani Yardım Vakfı
TR66 0001 0004 8802 1249 9450 07
Açıklama: 20849— İHH (@ihhinsaniyardim) November 3, 2026
Флечер, кој ја извршува функцијата потсекретар на ОН за хуманитарни прашања и координатор за итна помош, повика на итно отстранување на блокадите на патиштата и ослободување на приведените хуманитарни работници.
„Цивилите во Јемен плаќаат сурова цена за овој конфликт. Имаме храна и лекови подготвени за транспорт до Таиз. Отворете ги патиштата. Дозволете ѝ на помошта да влезе. Ослободете ги хуманитарните работници“, напиша тој на платформата за социјални медиуми „Икс“ (X), како што пренесе „Ал Џезира“.
Флечер истакна дека во Таиз се одвива „катастрофален колапс“ на основните услуги: производството на вода е преполовено, цените на храната се зголемени за најмалку 50 отсто, а болниците останале без гориво и лекови.
Тој наведе дека разговарал со јеменската министерка за надворешни работи, Афрах ал-Зуба, за обезбедување целосен пристап за хуманитарните тимови – кои, и покрај растечките пречки, успеале да стигнат до речиси 260.000 раселени лица.
Флечер, исто така, изрази огорченост поради смртта на Мохамед ал-Шами, колега од ОН кој работел на полето на човековите права, а кој починал додека бил во притвор кај Хутите. Тој исто така повика на итно ослободување на 70 вработени во ОН, како и на десетици други хуманитарни работници кои моментално се во притвор, нагласувајќи дека хуманитарните работници „не се средство за пазарење“.