Американската војска нападна товарен брод во Оманскиот Залив, откако неговиот екипаж, според тврдењата на американските сили, ги игнорирал повеќекратните предупредувања и се обидел да ја пробие поморската блокада на Иран.
Американски борбен авион го погоди задниот дел на бродот „М/В Оушн Молица“, познат и како „Арика Сан“, кој плови под панамско знаме. Со прецизно наведувана ракета бил онеспособен погонскиот систем на бродот, а никој од членовите на екипажот не бил повреден, соопшти американската Централна команда (CENTCOM).
U.S. Forces Disable Cargo Vessel Attempting to Violate Blockade
TAMPA, Fla. — U.S. Central Command (CENTCOM) forces disabled a commercial cargo vessel in the Gulf of Oman, Oct. 10, after the ship’s crew ignored repeated warnings and attempted to run the ongoing naval blockade against Iran.
A U.S. military fighter jet struck the stern of Panama-flagged M/V Ocean Molica (also known as the “Arika Sun”) with a precision munition, fully disabling the ship’s propulsion without harming the crew. The large cargo vessel was attempting to transit regional waters after having previously departed an Iranian port.
CENTCOM forces resumed America’s blockade against all ships entering or departing Iranian ports on July 14. Four commercial vessels have been disabled and 135 ships have been turned around during three months of strict enforcement. Additionally, U.S. forces have destroyed 10 tankers linked to the Islamic Revolutionary Guard Corps’ multibillion-dollar shadow network over the same period.
All mariners are advised to heed blockade warnings from CENTCOM forces. Crews should also continue to monitor Notice to Mariners broadcasts and contact U.S. naval forces on bridge-to-bridge channel 16 when operating in the Gulf of Oman and Strait of Hormuz approaches.
— U.S. Central Command (@CENTCOM) October 11, 2026
Според американските тврдења, бродот претходно испловил од иранско пристаниште и се обидел да продолжи со пловидбата и покрај блокадата.
Американските сили на 14 јули повторно ја воспоставија поморската блокада за сите бродови што влегуваат во иранските пристаништа или испловуваат од нив.
Од Централната команда наведуваат дека во последните три месеци биле онеспособени четири комерцијални бродови, додека уште 135 биле принудени да се вратат.
Во истиот период американската војска уништила и десет танкери за кои тврди дека се поврзани со мрежата на Иранската револуционерна гарда за заобиколување на санкциите.
„На сите поморски екипажи им се препорачува да ги почитуваат предупредувањата на CENTCOM за блокадата“, соопшти американската команда.
Екипажите беа повикани да ги следат официјалните поморски известувања и да контактираат со американските поморски сили преку радиоканалот 16 додека пловат низ Оманскиот Залив и приодите кон Ормускиот Теснец.
Нападот се случи во време на сè поголеми проблеми со поморскиот сообраќај во регионот поради војната на САД и Израел против Иран, која започна кон крајот на февруари.
Според Ројтерс, бројот на бродови што минуваат низ Ормускиот Теснец падна на најниско ниво во повеќе од два месеца, откако нападите врз танкери минатата недела ја достигнаа најголемата зачестеност од почетокот на војната.
Ормускиот Теснец е една од најважните поморски рути за светската трговија со енергенси. Пред војната, низ него минуваше количество нафта што одговараше на приближно една петтина од светската потрошувачка.
Американската војска и претходно со сила запираше бродови што се обидуваа да ја пробијат блокадата. Во мај, борбен авион Ф/А-18 од носачот на авиони „УСС Абрахам Линколн“ со топовски оган го онеспособи кормилото на иранскиот танкер „Хасна“, кој се обидувал да влезе во иранско пристаниште.
Ројтерс не успеа веднаш да стапи во контакт со операторот на бродот „Оушн Молица“ за коментар за најновиот напад.