Британскиот министер за надворешни работи Вилијам Хејг објави продолжување на испораките на воена несмртоносна опрема за врховниот воен совет на Слободната сириска армија.
Станува збор за испорака на преносни компјутери со можност за сателитска врска преку Интернет, за мобилни телефони, радиоприемници, џипови, преносни генератори, шатори и медицинска помош. Вкупната износ на опремата изнесува еден милион британски фунти.
Доставата ќе биде извршена што е можно побрзо, наведува британскиот министер во соопштение, адресирано до британскиот парламент, објавено на сајтот на британскиот Парламент.