Сирија поддржува напори за спротиставување на терористичката група Исламска држава само ако се координирани со Дамаск, изјави сирискиот министер за надворешни работи Валид Муалем.
– Во спротивно, акциите ќе се сметаат за нарушување на суверенитетот на Сирија, додаде министерот кој е во посета на Техеран.
На прашање за поддршката на американските ВВС за одреди на умерената опозиција во Сирија, Муалем одговори дека Дамаск нема умерена и неумерена опозиција.
– Сите што војуваат со оружје во рака против државата се терористи, нагласи тој.
– САД го известија Дамаск за испраќање таква група и наведоа дека целта е борба против ИД, а не против сириската армија, потенцира Муалем.