Во текот на масовните вакцинации против Ковид-19 експертите забележале различни реакции особено кај вакцините „Фајзер“ и „Астра зенека“. Утврдено е дека реакциите кај „Астра зенека“ се посилни по првата, а кај „Фајзер“ по втората доза.
„Во споредба со првата доза, реакциите забележани по втората доза од вакцината „Астра зенека“ се многу поблаги и многу поретки потврдува британската регулаторна агенција за лекови и медицински производи.
Според американскиот Центар за контрола на болести во случајот со вакцината „Фајзер“ реакциите како температура, треска, замор и главоболка биле почести по втората доза.
Американската агенција за храна и лекови наведува дека околу 70 проценти од луѓето на возраст меѓу 18 и 55 години кои ја примиле првата доза „Фајзер“ пријавиле дека имале температура наспроти 31 посто кои пријавиле дека имале температура по примената втора доза.
Лицата повозрасни од 55 години кои ја примиле првата доза од вакцината „Фајзер“ поретко пријавувале нус-појави. Но, и кај нив се забележува разлика меѓу првата и втората доза. На пример, само три посто од повозрасните пријавиле температура по правата, а 21 посто по втората доза од оваа вакцина.
Со други зборови, луѓето обично по првата доза „Астра зенека“ се чувствуваат како да имаат груп, а слично се чувствуваа луѓето по примањето на втората доза „Фајзер“.