Високиот комесаријат на Обединетите нации за бегалци (УНХЦР) и Меѓународната организација за миграција (ИОМ) ја повикаа денеска администрацијата на американскиот претседател Доналд Трамп да продолжи со пружање азил за бегалците, кои бегаат од војни и други опасностни, наведувајќи дека американската програма за прифаќање на бегалците е од клучно значење за ова прашање.
Трамп претходно потпиша указ со кој им се забранува во рок од три месеци влез на државјани од седум муслимански земји: Ирак, Иран, Либија, Сомалија, Судан, Сирија и Јемен. Исклучок ќе биде направен за оние граѓани, кои поседуваат дипломатски визи, за официјалите претставници на тие земји и за вработени во меѓународни организации.
Вашингтон ќе ја замрзне на четири месеци и федералната програма за прием на бегалци од земји, во кои се водат војни, а за Сирија на неодредено време, со цел да се спречат радикалните исламистички терористи да влезат во САД.
– Потребите на бегалците и мигрантите ширум светот никогаш не биле поголеми, поради што американската програма за прием на бегалци е една од најважните на светот, се наведува во соопштението на двете организации.