Украинскиот Парламент денеска усвои декларација во која Русија ја карактеризира како „држава агресор“, пренесоа британските медиуми.
Документот содржи и обраќање до ОН, во кое се инсистира светската организација да почне процедура за исклучуање на Русија од светската организација.
– Правното прогласување на една земја за држава агресор својот корен го влече од резолуцијата на ОН од 1974 година и Уставот на ОН, изјави пред гласањето на документот лидерот на Радикалната партија Олех Љашко, кој е дел од владеачката коалиција.
Украинската Рада исто така ја повика меѓународната заедница да ги прогласи самопрогласените „Доњецка“ и „Луганска Народна Република“ во источна Украина за терористички организации.
Украинските пратеници од парламентите од цел свет побараа воено-техничка помош за Украина и наметнување построги санкции кон Русија.
Парламентот, освен тоа, одлучи на претседателот на земјата, во согласност со Уставот и законот „За одбрана на Украина“ да му препорача во Радата да поднесе предлог за објавување на состојба на војна и да се воведе воена состојба на територијата на земјата до прекин на вооружената агресија на Руската федерација врз Украина.