Парламентот на Украина денеска гласаше за мерка со која се овозможува воена мобилизација на некои затвореници во замена за условно ослободување.
Повеќе од 26 месеци по почетокот на руската инвазија, Украина се обидува да го надополни недостигот од војници, што некои воени аналитичари го сметаат за најголем предизвик за Киев во борбата против многу поголем непријател.
– Се очекува новата мерка да ги зајакне вооружените сили само за неколку од вкупно 20.000 затвореници, рече пратеникот Дејвид Арахамиа.
Новиот закон не важи за оние кои извршиле најтешки кривични дела – осудени за убиство со умисла на две или повеќе лица, силување, сексуално насилство, кривични дела против националната безбедност и тешки кривични дела за корупција.