Градоначалникот на Махачкала главен град на руската република Дагестан, Саид Амиров и десет негови соработници се уапсени под сомнение дека организирале убиство на началник на градската Истражна комисија во декември 2011 година.
Амиров е префрлен во Москва заради понатамошна истрага. Истражната комисија покренала обвинение за убиство против градоначалникот на 31 мај и проверува негова поврзаност и со други кривични дела.
Според руски медиуми, за вмешаност на градоначалникот на Махачкала во убиството, на полицијата и укажал шеф на градска криминална група кој бил уапсен во петокот. Амиров е градоначалник на Махачкала од 1989 година.