Специјалните служби на руската државна агенција за риболов во Дагестан пронајдоа 272 угинати фоки на бреговите на Каспиското Езеро во периодот од 6 до 10 декември, објави прес-службата на агенцијата.
Сè уште се истражуваат причините за смртта на животните.
– Од 6 до 10 декември, пронајдовме 272 фоки. Експертите ја пребаруваа областа од Махачкала до Сулак (на север) и од Махачкала до Самур (на југ), ги изброивме една по една. Не е исклучено да има уште насукани фоки, рече претставникот на руската државна агенција, додавајќи дека повеќето мртви фоки биле пронајдени меѓу Махачкала и устието на реката Сулак.
Истрагата ќе продолжи со цел да се утврдат причините за големиот број мртви животни, а Волга-Каспискиот отсек во моментов ги испитува можните причини.
Првично, прес-службата на државната агенција за риболов како можна причина за смртта го наведе можното присуство на вируси или бактерии поради неповолните услови во езерото.
Касписката фока е единствениот цицач кој живее во Каспиското Езеро и во 2008 година е прогласена за загрозен вид.