Аеродромот во Махачкала во Дагестан денеска е привремено затворен поради упад на непознати лица по најавата за пристигнувањето на летот од Израел, а на местото се распоредени безбедносни сили, соопшти руската агенција за воздушен транспорт (Росавиција). „Поради упад на непознати лица во сообраќајниот дел на аеродромот во Махачкала, одлучено е привремено да се затвори за дојдовни и за појдовни летови“, соопшти Росавијација, додавајќи дека „полициските сили се на местото на настанот“.
🇷🇺🇵🇸🇮🇱 | GUERRA ISRAEL-GAZA: Musulmanes cantan Allahu Akbar y persiguen a judíos que sospechan que están en un avión en el aeropuerto de Makhachkala-Daguestán, Rusia.pic.twitter.com/JQr3i3LA9W
— ShinRa News Network (@NewsShinra) October 29, 2023
Група мажи вечерва упаднаа на пистата и зградата на аеродромот во Махачкала, главниот град на Дагестан, руска република со мнозинско муслиманско население, по најавата за пристигнување на авион од Израел. Како што пишуваат Известија и РТ, мажите дошле до покривот на зградата и на пистата. На видеата објавени на Телеграм, се гледаат десетици мажи како уриваат огради, се обидуваат да ги контролираат автомобилите што го напуштаат аеродромот и ги кршат вратите во зградата.
L'aéroport de Makhachkala a été fermé en raison des troubles. Des vols en provenance de Nijnevartovsk et de Moscou tournent dans le ciel. Il est possible que des avions soient transportés vers les aéroports des républiques voisines. pic.twitter.com/OVwFevOjqO
— buckler🇫🇷🇪🇺🇺🇦 #NAFO (@bucklerbuckler1) October 29, 2023
Друго видео покажува човек кој стои на крилото на авионот на Руската Ред Вингс. Според специјализираната веб-страница Flightradar, авионот на компанијата кој полета од Тел Авив слета во Махачкала во 19 часот по локално време. Рускиот независен весник „Сота“ пишува дека авионот требало да го продолжи патувањето кон Москва.
Пред да влезат во зградата на аеродромот, неколку демонстранти се обидоа да ги проверат пасошите на луѓето додека излегуваа од аеродромот, барајќи израелски државјани.
Кабинетот на израелскиот премиер Бенјамин Нетанјаху реагираше на ситуацијата на аеродромот и ги повика руските власти да ги заштитат израелските граѓани. „Очекуваме руските органи за спроведување на законот да ја заштитат безбедноста на сите израелски граѓани и Евреи каде и да се“, соопшти Канцеларијата.
Appalling videos from Makhachkala, Russia, where an angry mob broke into the airport searching for Israeli citizens on the flight from Tel-Aviv.
This is not an isolated incident in Makhachkala, but rather part of Russia’s widespread culture of hatred toward other nations, which…
— Volodymyr Zelenskyy / Володимир Зеленський (@ZelenskyyUa) October 29, 2023
Украинскиот претседател Володимир Зеленски, кој е и самиот Евреин, исто така го коментираше инцидентот, нарекувајќи го застрашувачки.