Туск: Има 30 отсто шанси да не се случи Брегзит

Од:

Претседателот на Европскиот совет, Доналд Туск во интервју за полските медиуми, оцени дека има 30 отсто шанси Велика Британија да не ја напушти Европската Унија.

Како што јави дописничката на МИА од Брисел, ваквиот став Туск го изнесе одговарајќи на прашање дали втор референдум за Брегзит би можел да има поинакви резултати од претходниот.

Туск смета дека поранешниот британски премиер Дејвид Камерон направил погрешна политичка калкулација со организирањето на референдумот за Брегзит во 2016 година, и дека доколку денес се свика ново гласање за британското истапување од ЕУ, резултатот би бил различен бидејќи се научени лекциите од тоа што значи напуштањето на Унијата.

– Немаше вистинска дебата за последиците од Брегзит за време на референдумската кампања, туку само по гласањето. Денес резултатите веројатно би биле различни, смета Туск.

Според него, иако референдумот за истапување на Велика Британија од ЕУ се случил во најлош можен момент, парадоксално е што тој исто така пробудил големо проевропско движење.

Би можело да ве интересира

Џонсон: Има огромен напредок кон договорот за Брегзит

Ана Ололовска

Камерон: Можно е на Велика Британија да и треба нов референдум

Орбан укажува на замор во проширувањето на ЕУ

Асанж во притвор до разгледување на барањето за екстрадиција во САД

Џонсон и Јункер ќе разговараат за Брегзит

Татјана Ташкова

Северна Ирска: Нема да прифатиме да не отцепат од Британија

Ана Ололовска