Турција ги извести ОН дека почнала воздушни напади врз положби на борци од Исламска држава во Сирија, затоа што сириската Влада не е ниту способна, ниту има волја да се бори против терористичката организација.
Во писмото упатено вчера до генералниот секретар на ОН Бан Ки-мун и СБ, Турција се повикува на членот 51 од Повелбата на ОН која се однесува на индивидуалното или колективното право на самоодбрана во случај на оружен напад, како оправдување за акцијата.
– Очигледно е дека режимот во Сирија не е ниту способен, ниту има волја да ги спречи овие закани кои доаѓаат од нејзина територија, а кои јасно говорат дека ја загрозуваат безбедноста на Турција и нејзините државјани, наведува во писмото заменикот на турскиот амбасадор во ОН Левент Елер.