Турција, Финска и Шведска во август ќе разговараат за договореното во Мадрид

Од:

Официјални лица од Турција во август ќе имаат средба со колеги од Финска и од Шведска, со цел да го оценат напредокот на двете земји во исполнување на барањата на Анкара во рамки на договорот за укинување на ветото на нивната кандидатура за членство во НАТО, информираше денеска министерот за надворешни работи Мевлут Чавушоглу.

dobivaj vesti na viber

Финска и Шведска поднесоа барања за членство во НАТО како одговор на руската инвазија на Украина. Но, земјите со соочија со противење на Турција, која ги обвини за поддржување групи што таа ги смета за терористички, потсетуваат медиуми.

Трите земји на самитот на НАТО во Мадрид потпишаа договор за укинување на ветото на Анкара, како замена за ветување за борба против тероризмот и извоз на оружје.

Анкара најави дека внимателно ќе ја следи имплементацијата на договорот со цел да ги ратификува кандидатурите за членство на Финска и Шведска.

Во разговор за турската државна телевизија ТРТ Хабер, Чавушоглу појасни дека состанокот во август ќе биде прв во рамки на надзорниот одбор, формиран согласно договорот. Но, тој повтори дека Турција ќе го блокира членството на двете земји, доколку не го исполнат ветеното.

Извор: МИА

Би можело да ве интересира

Ердоган: Немаме за што да разговараме со Грција

Ана Ололовска

Извештај на „Ембер“: Чистата енергија би можела да го преполови увозот на фосилни горива во Турција до 2030 година

Ана Ололовска

Радев кон Ердоган: Турција е наш многу важен партнер и сојузник

Ана Ололовска

Пахор: НАТО мора да ја остави вратата отворена за Украина

Ана Ололовска

Иконому: Турција сноси одговорност за несреќите со мигрантите

Ана Ололовска

Бретон: Украина во моментов не може да влезе во НАТО поради војната

А1он