СЗО: Забавува епидемијата на мајмунски сипаници во Европа

Од:

Трајниот пренос на мајмунските сипаници од човек на човек во Европа е елиминиран, соопшти Светската здравствена организација (СЗО).

dobivaj vesti na viber

Регионалниот директор на СЗО за Европа, др. Ханс Клуге кажа дека има „охрабрувачки рани знаци“ дека забавува епидемијата на мајмунски сипаници.

Во 43 земји од европскиот регион на СЗО пријавени се над 22.000 случаи на мајмунски сипаници, што претставува повеќе од една третина од глобалниот број на инфекции. Тука се вклучени и Русија и земјите од Централна Азија.

СЗО, минатата недела соопшти за пад од 21 отсто на бројот на нови случаи низ светот, по четирите недели по ред на нивно зголемување.

-Постојат охрабрувачки рани знаци, како што се гледа од Франција, Германија, Португалија, Шпанија, Обединетото Кралство и други земји, дека епидемијата може да забавува. За да се придвижиме кон елиминирање на вирусот во Европа, мора итно да ги засилиме нашите напори. Сепак, веруваме дека можеме да го елиминираме трајниот пренос на мајмунските сипаници од човек на човек во Европа доколку се посветиме на тоа и ги вложиме потребните ресурси, рече д-р. Клуге.

СЗО препорачува натамношно задржување на мерките за надзор, целна вакцинација и идентификација на случаите на контакт. Оттаму, исто така, препорачуваат да се работи со машката хомосексуална заедница, меѓу која главно циркулира вирусот, со цел да се поттикне „средина без стигма и дискриминација“.

Извор: МИА

Би можело да ве интересира

СЗО објави нов термин за мајмунски сипаници

А1он

СЗО: Најмалку 15.000 смртни случаи во Европа поради жештини

Ана Ололовска

Британски истражувачи: Мајмунските сипаници можат да се шират и пред симптомите

СЗО: Колерата се шири низ Либан

Истражувачи од Кина развија брзи тестови за вирусот на мајмунски сипаници

А1он

СЗО: Првпат после неколку години, се зголемува бројот на заболени од туберкулоза